ឯកឧត្តម កឹម សុខា មិនចង់ឲ្យកម្មករទទួលអត្ថប្រយោជន៍ពីសម្តេចតេជោ

ភ្នំពេញ៖ អ្នកនំាពាក្យគណបក្ស ប្រជាជនកម្ពុជា លោក សុខ ឥសាន បានប្រតិកម្មចំពោះឯកឧត្តម កឹម សុខា ប្រធានគណបក្សសង្រ្គោះជាតិ ដែលបានបង្ហាញ អកប្បកិរិយាមិនចង់ឲ្យក្រុមកម្មករ ទទួលបានអត្ថប្រយោជន៏ពី គោលនយោបាយ សម្តេចតេជោ ហ៊ុនសែន នាយករដ្ឋមន្រ្តីកម្ពុជា ក្រោយពី   សម្តេច បានផ្តល់អត្ថប្រយោជន៍ ជាច្រើនដល់កម្មករ ក្នុងជំនួបជាលើកដំបូងរវាងកម្មករ និងសម្តេចនៅថ្ងៃទី២០ ខែសីហា ឆ្នាំ២០១៧ ។

ការលើកឡើងនេះ បន្ទាប់ពីមេបក្សប្រឆាំង ឯកឧត្តម កឹម សុខា បានប្រើពាក្យថា "យើងមិនយកទឹកប្រាក់ តួនាទី បុណ្យស័ក្តិ ដើម្បីទៅទាក់ទាញទឹកចិត្ត ប្រជាពលរដ្ឋនោះទេ" ។

ក្នុងជំនួបរវាងសម្តេចតេជោ និងកម្មករ សម្តេចបានផ្តល់ផលប្រយោជន៍ សំខាន់ជាច្រើន ក្នុងនោះចំណុចសំខាន់គឺ សម្តេចបានមានប្រសាសន៏ថា  ប្រាក់ខែកម្មករនឹងអាច ត្រូវបានតម្លើង ១៦៨ ដុល្លារ នៅឆ្នាំ២០១៨  ហើយកម្មករជិះរថយន្ត ក្រុងសាធារណៈដោយឥតគិតថ្លៃ ក្នុងរយៈពេល ២ឆ្នាំចាប់ពីខែសីហា ឆ្នាំ២០១៧ ដល់ ខែសីហា ឆ្នាំ២០១៩។

សម្តេចតេជោក៏បានបញ្ជាឲ្យមន្រ្តី អាជ្ញាធរពាក់ព័ន្ធ យកចិត្តទុកដាក់ពិនិត្យ ក្នុងការតបណ្តាញទឹក ភ្លើងទៅតាមផ្ទះដែលកម្មករជួលនៅ ។ បច្ចុប្បន្ន រាជរដ្ឋាភិបាលកម្ពុជា បានលើក យកចិត្តទុកដាក់ ចំពោះស្ត្រីជាកម្មការិនី មានផ្ទៃពោះដោយបានផ្តល់ប្រាក់បន្ថែម ១២០% សម្រាប់សម្រួលនៅពេលឆ្លងទន្លេ និងមានចំណុចផ្សេងជាច្រើនទៀត។

លោក សុខ ឥសាន បានឲ្យដឹងនៅថ្ងៃទី២១ សីហាថា "បន្ទាប់ពីសម្តេចតេជោ មានគោលនយោបាយជាកាដូជូន កម្មករនិយោជិតរួចមក មានមេបក្សប្រឆាំងមួយនោះ បាន និយាយដៀមដាមថា សម្តេចតេជោទិញទឹកចិត្តកម្មករនិយោជិត ។ ការនិយាយបែបនេះ មានន័យថា មេបក្សនោះមិនចង់ឲ្យកម្មករនិយោជិត ទទួលបានអត្ថប្រយោជន៍ ពីគោលនយោបាយ របស់សម្តេចតេជោ ហ៊ុន សែនទេ បានសេចក្តីថា មិនចង់ឲ្យកម្មករនិយោជិតមានជីវ ភាពល្អប្រសើរទេ ។ ដោយឡែកយើងខ្ញុំជំនួសអោយកម្មករកម្មការិនី មានសេចក្តីសោមនស្សរីករាយយ៉ាងខ្លាំងដែល សម្តេចមានការយកចិត្តទុកដាក់យ៉ាងខ្លាំង និងជារៀងរាល់ពេលដែលប្រជាពលរដ្ឋមានទុកលំបាក ។ ផ្ទុយទៅវិញ ដូច្នេះ សូមបងប្អូនកម្មករនិយោជិតចំណាំមុខមេបក្ស ប្រឆាំងនេះ ឲ្យច្បាស់តាមការគួរចុះ" ។